VAN NOU AF
Hoekom Van Nou Af?Hoekom nie “Sedert 2006” of so iets nie? Want Kakiebos is vir ons, vir jou en vir hulle. My Van Nou Af is dalk van lankal af – maar jou Van Nou Af is die dag as jy daai T-hemp oor jou kop trek of daai broek oor jou kniee.
Daai dag is JOU Van Nou Af.
Ons fotograaf
Beter. Beste. Wessel OllewagenJy kry maar altyd mense wat voor in die ry indruk. Dis maar so – maak vrede. Maar ek is oortuig dis wat Wessel gedoen het toe talent en geduld uitgedeel is. Nie net is hy ‘n spesialis in Time Lapse fotografie nie, maar het ‘n onmoontlike oog vir produkte en leefstyl fotografie. Elkeen van ons produkte word met dieselfde liefde en geduld opgestel, afgeneem, ge-edit en afgestof en alles is net – “wag, wag – nog net een” Te veel kere lyk produkte en websites so amazing en te min kere weet ons hoekom. Maar nou weet ons. Want party ouens het voor ingedruk – maar Wessel was nog voor hulle.
KAKIEBOS LAGER
Kakiebos Craft Bier on TapNa jare se brou en toets en toets en toets. O nee – dis ‘n ander storie. Met die hulp van ‘n “small batch meester brouer” het ons uiteindelik ons eie Lager op Tap. Iets wat ons al jare wou doen. Super deurskynende klariteit, sagte mout smaak, en ligte droë einde. Die ideale “Die dag is nou klaar bier”. En vir die wat wonder wat is die beste van ons Lager ? Die Tweede een.
Hier Kom Nog Goed
Regtig. Hier kom nog baie goed….
KAKIEBOS INHEEMSe winkel
dieselfde maar anders
kakiebos bagasie
Net na die “masker tyd” toe almal iets begin hekel, brou, kook of stook het, besluit ons toe ons wil ook iets nuuts aanpak. Daar is genoeg koffie winkels en nie een van ons kan baarde knip of vleg nie. Maar – ons like leer en canvas kwaai. Wat van ‘n skeersak? Almal hou van skeersakke. Of ‘n klein handsakkie miskien? So kom Kakiebos Bagasie aan die gang.
Soos enige Covid chillie sous gaan dit maar brand brand aan die begin. Maar vandag is ons trots om te kan sê die reeks groei amper elke dag. Net soos alles in Kakiebos, poog ons om sakke en allerlei bagasie en dinge te maak van net die heel beste materiale, die beste canvas en die heel beste leer – en alles word even met die hand uitgesoek, gesny en gestik.
Ons Eksklusiewe Inheems bagasie reekse – Labora – wat gemaak word van gewasde canvas en egte leer, en ons RIRI reeks, gemaak van felt wat vervaardig word van herwinbare koeldrank bottels, is tans uitsluitlik aanlyn en in ons Inheemse winkel te koop.
